Yapo mambo kadha wa kadha yanayosababisha watoto wa Mungu washindwe kufurahia maisha ya ndoa na wengine nyumba zao zikigeuka kituo cha polisi au uwanja wa vita.
Ukiwa ndani ya Yesu Kristo uliye wa Kristo kuna mambo kadhaa unapaswa kuyafanya ili usiingie kwenye mtego wa ndoa isiyo na furaha.
Msingi mbaya wa ndoa yenu
Msingi wa ndoa unaweza kuamua ndoa yako uifurahie au iwe ndoa ya mateso.
Ukijenga ndoa katika msingi mbaya, matatizo yanakuhusu, changamoto zinakuhusu, kilio kinakuhusu, shida zinakuhusu.
Usipoheshimu misingi ya ndoa na ndoa haitakuheshimu. Usipotii misingi ya ndoa, na ndoa haitakutii.
Haya hapa ni baadhi ya mambo yanayoamua ndoa takatifu.
Mtu sahihi, wakati sahihi na utaratibu sahihi.
Kama ulishakosea kwenye misingi na upo kwenye ndoa tayari. Omba toba, Mungu akurehemu halafu akusaidie, pia anza upya. Usiisusie ndoa yako halafu uikimbie.
Unakuta mmeshaingia kwenye ndoa halafu mkajisahau, mkatenda dhambi na matokeo yake mkampa ibilisi nafasi.
Waefeso 4:27 “Wala msimpe Ibilisi nafasi”.
Siku zote shetani anapiga sana eneo la ndoa kwenye familia za Kikristo, kuanzia kwenye mahusiano kuelekea ndoa kunakuwa na vita isiyo ya kawaida.
Kuingia kwenye ndoa baada ya kuokoka lazima uvipige vita kweli kweli. Baada ya ndoa lazima mpambane msimpe shetani nafasi, yaani msitende dhambi.
Ndoa inaweza kuharibika kwasababu watu wanamioyo ya jiwe, wagumu kusamehe na wagumu kuomba msamaha. Mathayo 19:8
Akawaambia, Musa, kwa sababu ya ugumu wa mioyo yenu, aliwapa ruhusa kuwaacha wake zenu; lakini tangu mwanzo haikuwa hivi.
Kutokuwa na mawasiliano ya wazi:
Biblia inatufundisha kusema ukweli kwa upendo (Waefeso 4:15). Kukosa mawasiliano katika ndoa hupelekea migogoro isiyoisha. Mfano ni ndoa ya Mefiboshethi na mke wake Maaka – haizungumzwi sana, lakini historia yake inaonyesha kutengwa, hali inayoweza kuwakumba wanandoa wasiowasiliana vyema.
Yesu alifundisha kusamehe mara nyingi (Mathayo 18:21-22). Kukataa kusamehe hujenga kinyongo, chuki na kuleta maumivu ya kudumu. Mfano ni Esau na Yakobo – ingawa si wanandoa, chuki ya Esau ilileta uhasama wa miaka mingi. Katika ndoa, hali kama hiyo huua furaha.
Kutotimiza uaminifu huleta maumivu makubwa. Mithali 6:32 inasema, “Mwanamume aziniye na mwanamke hana akili kabisa…” Mfano hai ni Daudi na Bethsheba. Dhambi ya uzinzi ilileta huzuni, maafa na migogoro katika familia ya Daudi.
Kuweka mambo ya dunia mbele ya ndoa:
Yesu alisema hatuwezi kutumikia mabwana wawili (Mathayo 6:24). Watu wanaotanguliza pesa, kazi au simu kuliko wenzi wao huleta umbali wa kihisia. Mfano ni Anania na Safira waliodanganya kuhusu mali – tamaa yao ilileta mauti. Katika ndoa, tamaa huua upendo na kuharibu uaminifu.
Biblia inasema mwanzo wa hekima ni kumcha Bwana (Mithali 9:10). Wanandoa wasiomcha Mungu huishi kwa matakwa yao, si kwa maongozi ya kiroho. Ndoa kama hiyo hukosa mwelekeo na hutawaliwa na ubinafsi.
Furaha ya ndoa haiji tu kwa kuwa pamoja, bali kwa kufuata maadili ya Kibiblia. Mambo kama kutokusamehe, uzinzi, tamaa, ukosefu wa mawasiliano, na kutomcha Mungu huweza kuifanya ndoa kuwa chanzo cha mateso badala ya furaha. Wanandoa wanapaswa kujifunza kutoka kwa Biblia na kufuata mfano wa Kristo katika upendo, uvumilivu na msamaha ili kuifanya ndoa kuwa ya baraka na furaha ya kweli.
Kumbe ndoa inaweza kuharibika kwa sababu ya ugumu wa mioyo ya wanandoa kushindwa kusameheana, kuomba msamaha, kushindwa kuwa wanyenyekevu na pengine kushindwa kusema asante au nashukuru, kwani katika jamii kuna watu ni wagumu kusema asante hata kama umempa kitu ambacho hakustahili ila hawezi kusema asante anaona ni haki yake. Ndoa ni taasisi ambayo maneno “nisamehe” “nimekosa” yanatakiwa kutamkwa mara kwa mara yaani usichoke kuyasema.
Mchungaji John Mgina anapatikana Kanisa la Mlima wa Mabadiliko, Mafinga Kinyanambo B, mkoani Iringa.
