PURA na ALNAFT zimekutana Septemba 07, 2025 Jijiji Algeries nchini Algeria katika kikao kulichohudhuriwa na Rais wa ALNAFT, Bw. Samir Bekhti, mwakilishi wa Mkurugenzi Mkuu wa PURA, Bw. Shigela Malosha na baadhi ya viongozi na wataalamu kutoka pande zote.
Akizungumza katika kikao hicho, Bw. Malosha alieleza kuwa mashirikiano baina ya taasisi hizo ni muhimu kwa ustawi wa shughuli za mkondo wa juu wa petroli nchini Tanzania na Algeria kwa kuwa yatawezesha taasisi hizo kuongeza ufanisi wa shughuli za udhibiti na usimamizi wa masuala ya utafutaji na uzalishaji wa mafuta na gesi asilia.
“Kupitia kujengeana uwezo kwa njia ya mafunzo na kubadilishana uzoefu wa namna PURA na ALNAFT zinatekeleza majukumu, ni dhahiri kuwa mashirikiano haya yatakuwa chachu ya taasisi hizi kufanya vizuri zaidi” alisema Shigela.
Kwa upande wake, Rais wa ALNAFT alibainisha kuwa mashirikiano ya taasisi hizi ni muhimu na yatakuwa na manufaa makubwa kwa pande zote kwa kuzingangia kwamba PURA na ALNAFT zinatekeleza majukumu yanayofanana ingawa katika nchini tofauti.
Miongoni mwa maeneo ambayo PURA na ALNAFT zimejadili kubalishana uzoefu na kujengeana uwezo ni pamoja na udhibiti na usimamizi wa shughuli za utafutaji na uzalishaji wa mafuta na gesi asilia, uhifadhi wa data za petroli, ushiriki wa kampuni za ndani katika miradi ya mafuta na gesi asilia na uandaaji wa sheria, kanuni na miongozo husika.
Rais wa ALNAFT, Bw. Samir Bekhti (wanne kushoto), mwakilishi wa Mkurugenzi Mkuu wa PURA, Bw. Shigela Malosha (watano kushoto) wakiwa katika picha ya pamoja na viongozi na wataalamu mara baada ya kikao kati ya PURA na ALNAFT kilichofanyika Septemba 07, 2025 Jijini Algeris, Algeria.
Rais wa ALNAFT, Bw. Samir Bekhti (watatu kushoto) akizungumza wakati wa kikao kati ya PURA na ALNAFT kilichofanyika Septemba 07, 2025. Wapili kulia ni mwakilishi wa Mkurugenzi Mkuu wa PURA, Bw. Shigela Malosha
