Supu ya kongoro ni moja ya vyakula vinavyopendwa sana barani Afrika, hususan Tanzania, ambapo mara nyingi huliwa hasa asubuhi au baada ya shughuli nzito. Licha ya ladha yake tamu, supu hii pia imejipatia umaarufu kwa sifa zake kiafya na madai ya kuongeza nguvu za kiume.
Kwa mujibu wa wataalamu wa lishe, pamoja na imani za jadi, hizi ndizo baadhi ya faida zinazopatikana kwenye supu ya kongoro:
-
Hurejesha nguvu na stamina
Supu ya kongoro hubeba protini na madini muhimu yanayosaidia mwili kurejea katika hali ya kawaida baada ya uchovu, kufanya kazi nzito au hata mazoezi. -
Huongeza damu
Ulaji wa mara kwa mara huchangia kuongeza seli nyekundu za damu, hivyo kusaidia kupunguza hatari ya upungufu wa damu mwilini. -
Huimarisha kinga ya mwili
Viungo vinavyopikwa pamoja na supu hii kama tangawizi, pilipili na kitunguu saumu husaidia mwili kupambana na maradhi madogo madogo. -
Hudaiwa kuongeza nguvu za kiume
Katika jamii nyingi, supu ya kongoro huaminika kuchangamsha hamu ya tendo la ndoa na kuongeza stamina, jambo linalowafanya wanaume wengi kuifurahia. -
Hupunguza baridi mwilini
Supu hii husisimua mzunguko wa damu na kuondoa uchovu, ikiwafanya wapenzi wake kuipendelea zaidi nyakati za asubuhi au usiku.
Related
