Iringa. Onyo kali limetolewa na Mkuu wa Mkoa wa Iringa, Kheri James, kwa watendaji wa serikali na viongozi wa mitaa, akisisitiza kuwa hakuna utaratibu wa rushwa utakaokubalika katika utekelezaji wa miradi ya Wakala wa Nishati Vijijini (Rea) na kuwa kiongozi au afisa atakayefanya tofauti atalipwa hatua kali, na wananchi wanahimizwa kutoa taarifa kama hali hiyo itatokea.
Hapa kuna aya moja inayoweza kufaa kwa maelezo uliyotoa:
Imeelezwa kuwa hadi sasa, mkoani Iringa vitongoji 1,458 kati ya 1,848 tayari vina umeme, ikilinganishwa na asilimia 80 na baada ya kuunganisha vitongoji vingine 214, kiwango cha upatikanaji wa umeme kitafikia asilimia 97, huku lengo likiwa kufikia mwaka 2030 vitongoji vyote viwe na umeme endelevu.
Hayo yamesemwa leo Januari 29 katika ukumbi mdogo wa mikutano wa Ofisi ya Mkuu wa Mkoa wa Iringa wakati serikali kupitia Wakala wa Nishati Vijijini (Rea) ikimtambulisha rasmi mkandarasi wa kampuni ya M/s Silo Power itakayotekeleza mradi wa kusambaza umeme kwenye vitongoji 214 vya Mkoa wa Iringa.
RC James amefafanua kuwa mradi huo unatarajiwa kutekelezwa katika kipindi cha miaka mitatu, kuanzia sasa ambapo gharama ya kujiunga na huduma ya umeme wa Rea ni Sh 27,000 kwa kila kaya, na wananchi wanapaswa kuhakikisha wanatoa maelezo sahihi kwa mkandarasi na kushirikiana kwa hiari.
“Mkandarasi wa kampuni ya M/s Silo Power hakikisha unafanya kazi kwa kushirikiana na jamii za vitongoji husika, na kuzingatia kuwa mradi unatekelezwa kwa uwazi na kwa wakati bila kuwepo kwa sababu,” amesema RC James na kuongeza kuwa,
“Na kila kijiji mkandarasi hakikisha unafikia kwa viongozi wako wa vitongoji ili wao wawafikishie taarifa wananchi wao hatua kwa hatua,”
Mkuu wa mkoa wa Iringa, kheri James (aliyesimama) akizungumza na wenyeviti na viongozi mbalimbali katika ukumbi mdogo wa mikutano ofisi ya Mkuu wa mkoa wakati Wakala wa Nishati Vijijini (REA) ikimtambulisha rasmi mkandarasi wa kampuni ya M/s Silo Power itakayotekeleza mradi wa kusambaza umeme kwenye vitongoji 214 vya mkoa wa Iringa. Picha na Christina Thobias
Aidha, RC James amesema kuwa vijana na wananchi wa vitongoji husika watapewa nafasi za kazi katika mradi kwa kutoa ajira na fursa za maendeleo ya kiuchumi kwa jamii.
“Vibarua naomba watoke katika eneo husika, na hii nikwambie wazi kabisa mkandarasi utakuja kuona kazi ni ngumu,” amesema RC James.
Mkuu wa Mkoa ameonya kwamba vijana watakaopatiwa kazi lazima wawe waangalifu, watekeleze majukumu yao kwa uwajibikaji na si kuhusika na vitendo vya uhalifu kama vile wizi wa nyaya za umeme au vifaa vingine vya mradi.
Vilevile Tanesco na Rea zimetakiwa kutoa elimu kwa wananchi juu ya umuhimu wa kupata huduma ya umeme na kuhakikisha usalama unazingatiwa ikiwa ni pamoja na utunzaji wa vifaa.
RC James amesema kuwa jamii inapaswa kuelimishwa juu ya umuhimu wa kutumia umeme katika shughuli za uzalishaji mali.
Aidha, huduma ya umeme inatarajiwa kuongeza fursa za uchumi kwa wananchi, kuruhusu ufungaji wa mashine za kusaga nafaka, saluni, na biashara nyingine ndogo ndogo za kibiashara.
Wenyeviti wa mitaa wametakiwa kuhakikisha vifaa vyote vya umeme vinakuwa salama na haviwi hatarini wakati mradi unapoanza na kuisha, huku wakihamasisha wananchi kushirikiana katika usalama wa mradi.
Kaimu Mkuu wa Tanesco mkoani Iringa, Hermany Bucheye, amesema kuwa vitongoji 1,458 vyenye umeme na 1,840 bado havina huduma, na mradi huu utazidisha wigo wa umeme na kuongeza nguvu ya usambazaji wa umeme kwa wananchi wa vijiji vyote.
Naye Mwakilishi wa Mkurugenzi Mkuu wa Rea, Frank Mgogo amesema mradi huo ni hatua ya pili katika fungu la B la programu ya REA, likilenga kuhakikisha vitongoji vyote vinapata umeme kwa wakati na kwa uwazi.
“Katika Jimbo la Mufindi Kaskazini, vitongoji 16 vinatarajiwa kufikiwa na mradi, Mufindi Kusini 29, Mafinga Mji 23, Isimani 27, na Kilolo 72 hivyo kufikia vitongoji 214 kwa Mkoa wa Iringa,” amesema Bucheye.
Bucheye amesema kuwa mradi huo pia unawaweka wazi wananchi kuwa miradi ya REA haina fidia kwa ardhi au maeneo yanayopitiwa, hivyo wananchi wanashirikiana kwa hiari na kwa manufaa yao.
Mhandisi wa Kampuni ya Silo Power, Mmbalo Msuya, ameahidi kutoa ushirikiano kwa wananchi na wenyeviti wa vitongoji ili kuhakikisha mradi unakamilika kwa wakati, huku akisisitiza uwazi na uadilifu katika utekelezaji wa kazi hiyo.
Nao wenyeviti wa mitaa waliohudhuria kikao cha utambulisho wa mkandarasi wametoa maoni yao juu ya utunzaji wa mradi na jinsi ya kushirikiana na wananchi katika kila hatua ya mradi.
Filomenus Nyakunga, Mwenyekiti kutoka Ibangamoyo Kalenga, ameeleza matarajio yake kwamba mradi utakapokamilika, wananchi watafaidika kwa kupunguza tatizo la umeme na kuongeza fursa za biashara ndogo ndogo.
“Napenda mradi huu wa umeme kwani utarahisisha maisha yetu ya kila siku. Kwa kuwa na umeme nyumbani kutatupa mwangaza wa kutosha na fursa za kuanzisha biashara ndogo ndogo,” amesema Husna Wimbe, Mwenyekiti kutoka kitongoji cha Kihorogota Isimani mkoani Iringa, na kuongeza kuwa,
“Nina imani huduma ya umeme itasaidia vijana wengi kuajiriwa na kuanzisha shughuli za kiuchumi, badala ya kutumia muda kwa kazi zisizo rasmi na hii itaboresha maisha yetu vijijini,”
Mradi huu wa Rea ni moja ya hatua za serikali kuhakikisha maendeleo ya vijiji kwa kuhakikisha upatikanaji wa huduma za msingi, kuongeza ajira, na kuhakikisha hakuna rushwa katika utekelezaji wa miradi ya maendeleo.
