WANAWAKE WA UWT KIBAHA MJI WAANZA KUTEMA CHECHE BAADA YA USHINDI WA KISHINDO KATIKA UCHAGUZI MKUU

NA VICTOR MASANGU,KIBAHA

Jumuiya ya umoja wa wanawake (UWT)  Wilaya  ya  Kibaha mjini katika kukiimarisha chama imeamua kufanya ziara maalumu yenye lengo la kuwashukuru  na kuwapongeza  wanawake kwa umoja wao na mshikamao waliouonyesha katika uchaguzi mkuu wa mwaka 2025 na kupelekea chama cha mapinduzi (CCM)  kuweza  kushinda kwa kishindo katika nafasi za Udiwani, Ubunge pamoja na Urais.

Akizungumza katika ziara hiyo  ambayo imefanyika katika Kata mbili za Visiga pamoja na Misugusugu Mwenyekiti wa (UWT) Wilaya ya Kibaha Elina Mgonja amesema kwamba  wameamua kufanya ziara hiyo ambayo itaweza kuwapa fursa ya  kukutana na wanawake hao ambao ndio walikuwa mstari wa mbele katika kukipigania chama kiweze kushinda na kupata viongozi wa CCM katika nafasi mbali mbali.’

Katika ziara hiyo ambayo imeongozwa na Mwenyekiti wa UWT Wilaya ya Kibaha pamoja na  baadhi ya wajumbe wa kamati ya utekelezaji ambapo pia wametumia fursa ya kutembelea zahanati ya Misusugu pamoja na kuendesha zoezi la upandaji wa miti.

Mwenyekiti huyo amebainisha kwamba wameamua kufanya ziara hiyo kwa lengo la kuweza  kutoa shukrani kwa wanawake ikiwa pamoja na kuhamasiha viongozi wa matawi mbali mbali kuwezaa kushikamana kwa pamoja ili kuimalisha uwahi wa jumuiya pamoja na chama kuanzia ngazi za chini.

“Tumeanza ziara yetu ya jumuiya ya wanawake Wilayaa ya Kibaha ambapo tumetembeleakata  mbili za visiga pamoja na kata ya Misugusugu lakini kitu kikubwa ni kwa ajili ya kuwashukuru wanawake wote wa chama cha mapinduzi pamoja na jumuiya wa UWT kwa kuweza kuwachagua viongozi kwa  kura nyingi za kishindo katika nafasi ya Udiwani, Ubunge, pamoja na nafasi ya Urais,”amebainisha Elina

Kadhalika Mwenyekiti huyo amempongeza kwa dhati Rais wa awamu ya sita kwa kuweza kutekeleza ilani ya cchama kwa vitendo ikiwemo kutenga fedha nyingi ambazo zimekwenda kutekeleza miradi mbali mbali ya maendeleo ikiwemo sekta ya afya, eilimu, maji, nishati ya umeme pamoja na huduma za kijamii.

Kwa upande wake Katibu wa UWT Wilaya ya Kibaha Cesilia Ndalu amesema kuwa ziara hiyo pia imelenga kuanzisha vikundi vya uchumi ambavyo vitaweza kuwasaidia kwa kiasi kukubwa kupambana na wimbii la umasikini.

 Diwani wa kata ya Misugusugu  Ally Simba  amewahimiza  wanawake wa UWT kuhakikisha wanachangamkia  fursa za mikopo mbali mbali ambayo inatolewa  na Halmashauri  kwa lengo la kuweza kujikwamua kiuchumi pamoja na kuleta mabadiliko chanya ya kimaendeleo katika nyanja tofauti.