Pakistan Yajitolea Kuandaa Mazungumzo Kati ya Iran na Marekani

Waziri Mkuu wa Pakistan, Shehbaz Sharif, ameonesha utayari wa nchi yake kuwa mwenyeji wa mazungumzo ya amani kati ya Marekani na Iran, endapo pande zote zitakubali wazo hilo. Sharif amesema Pakistan iko tayari kusaidia kurahisisha mazungumzo yenye lengo la kupata suluhisho la kudumu kwa mzozo unaoendelea.

Wakati huohuo, Waziri Mkuu wa India, Narendra Modi, amezungumza kwa njia ya simu na Rais wa Marekani Donald Trump, ambapo walibadilishana mawazo kuhusu hali ya Mashariki ya Kati (West Asia). Modi amesema wamekubaliana kuendelea kuwasiliana kuhusu juhudi za kuleta amani na utulivu.

Pia, Modi amesisitiza umuhimu wa kuhakikisha mlango wa bahari wa Strait of Hormuz unabaki wazi, salama na unaopitika kirahisi, akieleza kuwa ni muhimu kwa uchumi wa dunia kwa ujumla.

Kwa ujumla, hatua hizi zinaonyesha juhudi za kidiplomasia zinazoendelea kutoka mataifa mbalimbali kutafuta suluhu ya mvutano kati ya Marekani na Iran.